Kæru viðskiptavinir,

Við hjá Dýraríkinu viljum upplýsa ykkur um stöðu Nutram hunda og kattafóðurs, sem hefur verið mjög vinsælt hjá okkur í gegnum tíðina. 

Framleiðsluhlé á Nutram Hundafóðri

Þann 5. maí 2023 ákvað Nutram í Kanada að hætta framleiðslu á fóðri fyrir Evrópumarkað. Nutram gerði samning við framleiðanda og birgja í Frakklandi og sendu þeim fjölda gáma með fóðri svo verslanir í Evrópu gætu haldið áfram að fá vöruna sína án truflana á meðan þeir settu upp framleiðsluna.

Núverandi Staða

Eftir að við í Dýraríkinu áttum fund með Nutram í maí 2024, fengum við þær upplýsingar að framleiðslan í Frakklandi hefur enn ekki farið í gang og birgðirnar sem Nutram sendi til Frakklands eru nú á þrotum og kom í ljós að framleiðslan mun ekki fara af stað fyrr en í september 2024.

Nýtt Fóður væntanlegt

Við í Dýraríkinu höfum unnið hörðum höndum að því að finna sambærilegt fóður fyrir gæludýrin okkar. Við erum ánægð með að tilkynna að við höfum fundið mjög gott fóður frá Grikklandi sem er mjög svipað og Nutram, í aðeins betri gæðum og svipuðu/lægra verði. Við erum nú að vinna í pöntun fyrir þetta fóður og munum auglýsa það þegar það er á leiðinni til landsins.

Við viljum þakka fyrir skilninginn, viðskiptin og hlökkum til að kynna fyrir ykkur nýja fóðrið sem við erum spennt fyrir. Ef þið hafið einhverjar spurningar eða þörf á frekari upplýsingum, endilega hafið samband við okkur.

Með bestu kveðju, starfsfólk Dýraríkisins